朋友, 一聲簡單的問候與關心, 已經令人很窩心~

朋友, 數量不等於什麼, 只需真心對待, 已經足夠~

可惜, 有些人卻借朋友一詞, 加以利用及欺騙, 還在人前人後裝可憐, 真是極其可恥及可悲.

可幸, 日久見人心, 虛假的東西終會露出狐狸的尾巴.

在此要謝謝, 一直真心待我, 關愛我的朋友們

前幾日整咗間紙皮屋俾貓咪, 佢勁鍾意呀~~ 日日係裡面訓覺覺~~

好舒服...

天晴

貓咪有新look呀~ 上個月太熱啦, 所以帶咗佢去剪毛毛~~

Before

 After

係咪好爽呢?? 仲有靚相呀...

天晴

最近好忙好忙呀~~ 好多工作突然一次過來, 又要埋數, 而且要hand over d工作俾新同事~~ 不過有佢係度好開心呀~~ 以前只有自己一個坐在一旁, 很孤獨呢~~

今日好多謝各位請我食lunch呀~~ 好開心呢~ 我地9個人一齊去咗Fat Angelo's食lunch, 叫咗勁多野食呀~~ 仲以為會係"是但"叫d set lunch, 但估唔到會叫哂a la cart, 食得咁貴呀, 我諗老細一定好後悔自己咁豪氣講咗句"我包底!"

另外, 新來的兩位女同事很好人, 而且很啱key呀~~  e間公司終於都多返d女仔啦, 回想以前, 就只有我一個女仔, 其他人全男班, 真的幾悶, 不過, e家唔同啦, 正所謂3個女人一個墟, 真係無錯呀~~ (今日真的好多謝你地份禮物, 估唔到有禮物收, hehe)

天晴炎熱

尋日終於考咗LCCI啦~ 唔知得唔得呢~ 佢出的題目真的是超爆冷~ 我tip咗6課好熱門的來溫習(limited co, partnership, accounting ratio, consignment, incomplete record, stock revaluation), 點知佢... 佢竟然只出了一題limited company(4題必答)~~ 唉~ 枉我4日4夜咁不停溫書...

不過, 唔知點解我好似每題都識識地喎~~ 尤其是那題suspense account, hehe...(自以為是) 都係果句, 唔知得唔得呢~

辛苦咗咁多日, 終於可以去玩下啦~~

天晴

上網見到個貓咪測驗, 忍唔住同BB豬玩下~ 若果你有興趣, 可click-> http://www.catchow.com/ 同你既寶貝玩下呀~

(choose "You & Your Cat", then choose "Purrsonality Profile Quiz")

輸入你既寶貝info~

我既BB豬的結果是"LOVER"呀~

天晴

在今個復活節, 青衣城有關於手塚治虫的活動, 我地當然唔放過機會, 走去八下啦~

有小飛俠~~

咁多個人物, 我最喜歡怪醫秦博士啦~~

間中有太陽

4月9日是復活節假期, 約了一班IVE好友一起開大食會~ 每人要負責一樣食物~ 有好多野食呀~ 好開心呀~

每款食物都好好味呀, 再加上狗仔的鮮制豆漿, 實在太開心啦!!!(可click圖放大)

好豐富的party啊~

和IVE好友們的合照~ 我手上的是車車去九寨溝&Carol去荷蘭的手信~ 多謝你地呀~

我們一邊食野, 一邊睇dvd, 有the holiday 和血鑽睇, 又同miao miao一齊玩, 但miao miao慘遭Angela既搔擾, 本來好cute的miao miao俾佢搞到不似貓形, 所以都係唔post出來~

最後大家都飽到捧著肚仔走呀~~

(不過快樂的背後也有代價的, 就是估唔到我洗碗洗咗成個鐘喎~~)

農曆新年果時買了棵蘭花呀~ 現在全部花蕾都開哂啦, 好靚呀~

(蘭花俾我感覺十分清雅, 好喜歡~~)

  天晴

大家係咪好想睇多d miao miao既靚相呢~ 俾幾張你地睇住先啦~~

(miao miao 仰望)

(唔知miao miao諗緊咩呢??)

(miao miao e個動作勁Q呀~~)

天晴

2007年3月18日- 是新成員~~貓貓~~加入我地大家庭既日子! 熱烈咁歡迎佢既加入呀~~

 佢第一日來到既時候, 佢好傷心咁收埋自己, 我真的很擔心佢~~

現在, 貓貓雖然還未習慣佢既新生活, 但比起第一日時情況好多了, 貓貓~~ 你要繼續努力適應新生活呀~ 我同狗仔會支持你架~~

 (我為貓貓準備咗張貓床/cusion/chip & dale毛巾, 好可惜佢對依d野無咩興趣...)

 天晴但寒冷

上星期日整咗cheese cake食呀, 好好味呀~ 你地睇下面幅相, 係咪似模似樣呢~

和暖有太陽

祝大家新年快樂, 身體健康, 心想事成啊~

大家這幾天過得好嗎? 我這幾天過得很充實啊, 打掃屋企啦, 去探屋企人啦, 同好多朋友聚舊啦... 超開心呢~~(最開心可做大懶豬, 訓餐飽, 呵呵呵)

年初三仲係屋企開大食會, 同中學同學聚舊呀~~ 家姐仲帶佢隻狗狗-妹珠-來玩tim, 好開心呀~ 當日有以下食物~~ 全部由狗仔整的呀~ yummy~~
-蕃茄豬柳意粉
-烚油菜
-咖哩魚蛋
-糯米飯
-鮮制豆漿

(本來打算整cheese cake, 但最後都無整到, 你地下次來玩先整俾你地食啦)

天晴

前天, 好友Emily邀請我同狗仔, 還有一班中學時代的好友們一起到訪她的新居, 好難得大家聚首一堂呢~ 去到她的新居, 佈置得好漂亮啊, 有很多hello kitty & keroro用品呀(不過還欠一個垃圾筒和一部LCD TV啦)~~ 而且還有一隻小狗狗&一隻貓咪呀, 小狗狗好可愛, 一見到人就會走過來和你玩耍, 走起路來發出"咯咯"聲的, 好得意呀, 但貓咪就不肯出來見人, 躲在籠裡呢~~ 大家一起談天說地, 好開心呀, Emily & 玥綺還整曲奇給我們吃呢, 好好味呀~ Bik Bik還送了些衫給我們呢~

晚上, 大家一起去吃泰國菜, 吃了很多款式的小菜, 味道也不錯~~(不過, 我的腸胃實在太差, 吃了炸和辣的食物就受不了, 昨日整天都拉肚子)  之後, 大家還說新年到我家玩耍呢~~ 大家確定來的話, 請聯絡我, 等我教你們怎來呀!!

天晴

之前同狗仔又去咗迪迪尼玩啦, 玩得好開心呀~~ 玩咗旋轉木馬, 小飛象, 幸會史迪仔 & 飛越太空山, 令我有返咗去童年時代既感覺呀~ 不過我地重未玩哂所有機動遊戲, 遲d一定要再去玩過!

 天晴寒冷

上兩個星期都有朋友結婚啦, 係度恭喜兩位朋友先~~ 恭喜哂!!

兩對新人都絞盡腦汁去籌備他們的婚禮, 真是辛苦呢~ 不過也是值得的, 因為真的令人很感動呢!

六朵金花整裝待發去Sandy既婚禮

三朵金花係宴會廳留影~

 一對新人(Wing & Sandy)正忙碌招呼賓客~

 係青衣城同另一對新人(Wynne & Edward)合照~

我聖誕節也要返鄉下擺幾圍呢, 很累啊~ 不過可以順道去澳門玩啦, 好開心呀~~ 我一定要勁食呀, 有豬排包, 有雪糕, 有法蘭度餐廳... yeah!

十分寒冷